ద్విపదభాగవతం - కల్యాణకాండ : శ్రీకృష్ణుఁడు కుండినపురికిఁ బయనమగుట
సైన్యసుగ్రీవాది చటులాశ్వపాంచ
జన్యచక్రస్ఫూర్తి చదలెల్లఁగప్ప
గరుడకేతన కాంతి కరమొప్పుచున్న
యరదంబు సన్నాహమై మ్రోల నిలువ
దారకుండును విప్రతనయుఁడుఁ దాను
నారూఢశుభవేళ నరదంబునెక్కి
గగనంబునను దివాకరబింబమోయ
నఁగఁ జనియె విదర్భ నలినాక్షురథము;
పోవుటయును సీరి బుద్ధిఁ జింతించి
“యావిష్ణుఁ డొంటిమై నరిగెఁ బెండ్లికిని
బలియురు మాగధప్రముఖభూపతులు
కలహంబు పుట్టు నేగదిసెద” ననుచు
బలువొప్పఁ జదురంగ బలసైన్యపతులుఁ
గొలువంగ హలివచ్చె కుండినపురికి.